చిరునామా ఎక్కడ ?

సంబరాల సరదాల సంక్రాంతి
ఎక్కడమ్మా నీ చిరునామా !
కనబడవేం సంక్రాంతి భోగి మంటలు
అగుపడవేం డూడూ బసవన్నల ఆటలు
వాకిళ్లలో కనుమరుగవుతున్న రంగురంగుల ముగ్గులు
గోప్యమై పోతున్న గొబ్బెమ్మలు
జీవన విధానాన్ని పూర్తిగా ఆవహిస్తున్న నవ నాగరికత
మాయల్లో కనుమరుగవుతున్న సంప్రదాయాలూ, సంబరాలు
ఫ్యాషన్ మోజులో విలవిల్లాడుతున్న విలువలు
అంతరించాలి ఈ మాయాజాలం
మల్లీ రావాలి మంచి కాలం
మనసున్న మనసుల ఎదలు కోలాహలంగా 
జరుపుకునే సంక్రాంతి సంబరాలు
మళ్లీ రావాలి మా వాకిళ్లకు
నవశోభను తేవాలి మా లోగిళ్లకు
పట్నాలూ పల్లెలూ వాడలూ మేడలూ 
సమంగా పంచుకోవాలి..
సంక్రాంతి లక్ష్మి అందించే భోగాలు
అవే మాతరం కోరుకునే వరాలు

              -13.01.2001.